Размер шрифта:aaa
Цвет сайтаaaa
обычная версия сайта

        

Традыцыя роспісу вялікодных яек у г.п. Сапоцкін Гродзенскага раёна Гродзенскай вобласці

Лакальная традыцыя роспісу велікодных яек у г.п. Сапоцкін Гродзенскага раёна Гродзенскай вобласці з’яўляецца адным са старажытнейшых народных відаў роспісу, які ўвайшоў у абрад святкавання Вялікадня.

Для роспісу вырыстоўваецца спецыяльны самаробны інструмент – “шпілька” – палачка з убітым у тарэц цвічком, таксама пчаліны воск, натуральны фарбавальнік чорна-карычневага колеру з настою кары дуба, альхі, альховых шышак і ржавага жалеза.

Найбольш пашыраны і любімы матыў Сапоцкінскіх майстрых – круг-разетка, які размяшчаецца па цэнтру яйка, свабодныя плошчы пісанкі запаўняюцца паўразеткамі, кропкамі, ланцужкамі. Нярэдка цэнтры разетак пападаюць на канцы яйка. Такая кампазіцыя дыктуецца асаблівасцямі тэхналогіі: майстрыха вялікім і ўказальным пальцамі трымае яйка на канцах і па крузе наносіць узор з кропелек.

Трыдыцыйным малюнкам на Сапоцкінскіх яйках з’яўляецца нанясенне старажытных матываў: птушкі (курыцы), кветкі (рамонкі, адуванчыкі), яловыя ветачкі.

Пісанкі выкарыстоўваюцца як атрыбуты сакральна-рэлігійнага значэння: у абрадзе святкавання Вялікадня, прымеркаванага да народных веснавых святаў, для асвячэння ў касцёле, пасля чаго раздаюцца дзецям, дорацца валачобнікам, ужываюцца пад час велікодных гульняў і забаў.

Цікавы і самабытны від мастацкага роспісу з поспехам практыкуецца ў Сапоцкінскай школе на ўроках працы, у гуртках, студыях, пры гэтым навучэнцы знаёмяцца з гісторыяй паходжання звычаяў і традыцый Гродзенскага раёна.

Жыхары Сапоцкіна ганарацца тым, што ў іх мястэчку засталася традыцыя роспісу велікодных яек. Маленькія і дарослыя жыхары пераймаюць традыцыю і карыстаюцца ёю пад час Велікодных святаў.

“Традыцыя роспісу вялікодных яек у г.п. Сапоцкін Гродзенскага раёна Гродзенскай вобласці” у 2013 годзе ўключана ў Дзяржаўны спіс гісторыка-культурных кашноўнасцей Рэспублікі Беларусь.

http://www.grodnokult.by/media/file/binary/2016/2/14/180135046394/15_big_jpg.jpg?srv=cms http://www.grodnokult.by/media/file/binary/2016/2/14/180135046448/16_big_jpg.jpg?srv=cms

http://www.grodnokult.by/media/file/binary/2016/2/14/180135046502/17_big_jpg.jpg?srv=cms http://www.grodnokult.by/media/file/binary/2016/2/14/180135046558/18_big_jpg.jpg?srv=cms

http://www.grodnokult.by/media/file/binary/2016/2/14/180135046626/19_big_jpg.jpg?srv=cms http://www.grodnokult.by/media/file/binary/2016/2/14/180135046680/20_big_jpg.jpg?srv=cms